Velaquí un corto exemplo de traballo que é posible abordar despois de asimilar o conxunto do curso. Entón haberanse adquirido tódalas ferramentas técnicas necesarias para lanzarse á imitación dos diferentes estilos.

Primeiramente transcribide esta alternación de canto dado e baixo non cifrado, preferentemente nun sistema de catro pentagramas, ca fin de non estar sometido a estreitez na escritura gráfica das voces.

Trátase de evolucionar nun estilo romántico. Eiquí pensei máis particularmente en Brahms, en concreto na atmósfera dos seus Intermezzi. A elección do profesor, ou do alumno, a realización podería ser pensada para piano ou para diversos conxuntos instrumentais.

Como guía neste nivel de traballo pódese ter como referencia o Manual práctico para a aproximación ós estilos, de Bach a Ravel, de Yvonne Desportes e Alain Bernaud. Para os traballos encontrarase un amplio abano de estilos nas 90 leccións de harmonía sobre a evolución harmónica dende o século XIII ata os nosos días de Yvonne Desportes, así como nas Melodías instrumentais para harmonizar nalgúns estilos harmónicos característicos de Henri Challan. Para máis información, consultar a páxina de bibliografía.

Velaquí un exemplo de realización. Cae polo seu peso que moitas outras realizacións poderían ser completamente satisfactorias, mesmo alonxándose sensiblemente das opcións désta, que non é proposta máis que a título de exemplo. É posible escoitala en directo clicando sobre o botón MIDI.

MIDI (Cobres)
MIDI (Coro)

Non sería imposible que propuxera eiquí, a medio plazo, outras suxerencias de traballos en diferentes estilos, pero, a priori, esto paréceme superfluo dada a grande cantidade de excelentes publicacións sobre este tema, algunhas das cales están citadas eiquí enrriba. Preferiría mellorar e pulir o aspecto pedagóxico e redaccional destas páxinas. Voso punto de vista sobre a cuestión será sempre benvido, si vos tomades o tempo de facermo coñecer por correo electrónico.

---