A escritura a tres partes é unha das máis flexibles e máis naturais que existen. Aconséllase adicarlle todo o tempo necesario para explorar a fondo tódolos seus recursos expresivos, en particular no florido, e eventualmente nos modos gregorianos.

Novas regras específicas da escritura a tres partes

Sexa cal sexa o número de voces, os acordes do primeiro e do derradeiro compás poden estar sempre incompletos pola supresión da terceira ou da quinta, en tódolos tipos de exercicios.

Entradas das voces

A tres partes, as negras ou as brancas comezan sempre por consonancia de octava ou de quinta. Soamente as redondas e as síncopas poden comezar pola mediante do acorde. Lembremos que o cruzamento nunca está permitido no primeiro compás.

O baixo do primeiro compás (ou calquera parte que actúe provisionalmente de baixo cando haxa entradas sucesivas) debe entrar sempre coa fundamental do acorde.

Derradeiro compás

A disposición do derradeiro compás é libre. As outras voces distintas da voz inferior poden rematar sobre a tónica, a terceira ou a quinta. Pero o acorde pode tamén estar incompleto ou utiliza-lo unísono. Lembremos que non deberá conter cruzamentos denantes da escritura a cinco voces.

Plenitude harmónica

Cómpre busca-lo xeito de emprega-lo acorde completo no primeiro tempo de cada compás. Non debe haber máis de dous acordes incompletos por exercicio (ademais do primeiro e do derradeiro compás).

Dous acordes incompletos non deben sucederse.

O acorde do penúltimo compás ten que estar completo obrigatoriamente (Bitsch, § 58).

Duplicacións

Tódalas notas harmónicas e melódicas (non sendo o retardo) poden ser duplicadas. A sensible, en contrapunto, pode ser duplicada igual que as outras notas da escala (Bitsch, § 52).

Notas: Bitsch desaconsella a duplicación da sensible no baixo.

Jean-Louis Martinet desaconsella, como en harmonía, a duplicación do baixo no acorde de sexta, agás por movementos contrarios e conxuntos. Nembargantes, na práctica, é necesario admitir esta duplicación con bastante frecuencia.

Movemento directo

Desaconséllase facer evolucionar simultaneamente as tres voces por movemento directo.

---

Active versión cuadros	Active versión sen cuadros
Menu da versión sen cadros
1 - Limiar	11 - Catro partes: especies 1 2 3 4
2 - O espírito do contrapunto	12 - Pequenas mesturas
3 - O traballo	13 - Grandes mesturas
4 - Regras comúns	14 - Florido
5 - Cantos dados (C.D.)	15 - Cinco partes e máis
6 - Dúas partes: especies 1 2 3 4 Florido	16 - Contrapunto invertible
7 - Tres partes	17 - Imitacións e canons
8 - Especies 1 2 3 4	18 - Bibliografía, biografías
9 - Pequenas mesturas	19 - Lugares útiles, búsquedas
10 - Florido	20 - O autor   e-mail    © ZIP

© Michel Baron - Utilización con fins comerciais estrictamente prohibida.
Utilización autorizada con fins personais ou pedagóxicos soamente.
Este sitio está mantido de xeito benévolo e sen finalidade lucrativa.