O contrapunto invertible é unha escritura polimelódica na que a orde de superposición das liñas musicais pode ser modificada sen inconveniente. En primeiro lugar, cada parte debe poder servir de baixo ás outras sen que resulte disto sensación de cuarta e sexta.
O principio desta escritura é utilizado na fuga: o suxeito e o, ou os contrasuxeitos, están escritos en contrapunto invertible. Isto pode aplicarse a todo o conxunto ou a unha parte dos elementos dos divertimentos.
Estúdiase o contrapunto invertible no estilo florido. Ademais, pódense utilizar de cando en vez como cantos dados algunhas das mellores partes floridas realizadas antes.
CONTRAPUNTO DOBRE
O contrapunto dobre é un contrapunto invertible a dúas voces.
Separación entre as voces
Si un quere acostumarse ás necesidades do contrasuxeito da fuga, deberá adaptarse ás esixencias seguintes:
Non separa-las voces máis dunha octava, pois isto leva ó cruzamento na inversión.
Reciprocamente, evita-los cruzamentos, que dan na inversión o mesmo intervalo duplicado, separando as voces máis dunha octava.
Evita-la octava, que implica o unísono.
Intervalo de quinta
O intervalo de quinta, entre notas reais (sobreentendido o acorde perfecto) non é utilizable xa que a súa inversión daría a sensación de cuarta e sexta.
Ó contrario, o intervalo de quinta pódese utilizar nas condicións seguintes:
Nos tempos febles, como nota de paso ; a súa inversión dá unha cuarta en nota de paso.
Nos tempos febles, como bordadura ; a súa inversión dá unha cuarta por bordadura.
Nos tempos fortes, como retardo do baixo do acorde de sexta ; a súa inversión dá unha cuarta, retardo da terceira do acorde perfecto.
Intervalo de terceira, sobreentendendo unha armonía de sexta.
Prestarase atención ó feito de que as dúas notas que forman a terceira no acorde de sexta non son invertibles, teoricamente, posto que unha delas é a quinta do acorde.
Así a todo, a dúas voces poden escribirse se, durante a súa inversión, o contexto préstase a entender estas notas como outra harmonía de sexta.
Retardos
Débese pensar constantemente en enriquece-lo contrapunto con retardos; pero non se pode facer oí-lo retardo da fundamental se esta parte está noutra voz : sábese que a súa coexistencia só é admitida se a fundamental está no baixo, isto desbota a inversión.
CONTRAPUNTOS TRIPLE E CUÁDRUPLE
Son contrapuntos a tres e catro partes invertibles.
Teoricamente, a quinta do acorde perfecto (trátese do estado fundamental ou da primeira inversión) non pode estar presente en ningunha voz como nota real, xa que non se poderá utilizar como baixo a parte que conteña esta nota.
Por conseguinte, estamos limitados a harmonías incompletas, incluso se o estilo conxunto do contrapunto permite, ás veces, artificios de escritura xustificados por diferentes análises das inversións dun mesmo pasaxe.
Por outra banda, Dupré admite a 4 voces como acordes completamente invertibles a 7ª de sensible (sobre o VIIº grao maior) e a 7ª diminuída (sobre o VIIº grao menor), sempre que se trate a quinta e a sétima como retardos inferior e superior do acorde de sexta.
Semella esta licencia nas regras ó admitido na grande mestura (quinta engadida no retardo da sexta).
e-mail © ZIP